සහල් කිලෝවක් ජනතාවට දියයුතු මිල ජනපති සහල් ව්‍යාපාරිකයන්ට දන්වයි
නාඩු සහල් කිලෝවක් රුපියල් 225ක තොග මිලටත්, රුපියල් 230ක සිල්ලර මිලටත් පාරිභෝගික ජනතාවට ලබා දීමට ජනාධිපති අනුර කුමාර දිසානායක මහතා සහල් ව්‍යාපාරිකයන්ට උපදෙස් ලබාදී තිබෙනවා.
ඒ අනුව මේ පිළිබඳ ඉදිරි දින දහය තුළ අවධානයෙන් කටයුතු කරමින්, ඊට පටහැනිව කටයුතු කරන සහල් මෝල් හිමියන් සම්බන්ධව දැඩිව නීතිය ක්‍රියාත්මක කරන ලෙස ද ජනාධිපතිවරයා පාරිභෝගික අධිකාරියට දැනුදී ඇති බවයි සඳහන් වෙන්නේ.
වෙළෙඳ, වාණිජ, ආහාර සුරක්ෂිතතා සහ සමූපකාර සංවර්ධන අමාත්‍යාංශයේ නිලධාරීන් හා සහල් ව්‍යාපාරිකයන් සමඟ ජනාධිපති ලේකම් කාර්යාලයේ අද (07) පැවැති සාකච්ඡාවේදී ජනාධිපතිවරයා මේ බව සඳහන් කර ඇති බවයි ජනාධිපති මාධ්‍ය අංශය සඳහන් කළේ.
අදාළ සහල් මිල ගණන් සහ නිවේදනය පහතින්.
* නාඩු සහල් 1kg – තොග මිල රුපියල් 225 යි, සිල්ලර මිල රුපියල් 230 යි
* සුදු කුකුළු සහල් 1kg – තොග මිල රුපියල් 215 යි, සිල්ලර මිල රුපියල් 220 යි
* ආනයනික නාඩු සහල් 1kg – සිල්ලර මිල රුපියල් 220 යි.
* සම්බා සහල් 1kg – තොග මිල රුපියල් 235 යි, සිල්ලර මිල රුපියල් 240 යි
* කීරි සම්බා සහල් 1kg – තොග මිල රුපියල් 255 යි, සිල්ලර මිල රුපියල් 260 යි
හෙළකුරු
