දැන් හැමෝටම ටියුෂන් පංති කරන්න බෑ රජයෙන් ගේන්න යන අලුත් නීතිය.
යෝජිත ජාතික ගුරු සභාව යටතේ පෞද්ගලික උපකාරක පන්ති ගුරුවරු ද ලියාපදිංචි කිරීමට අධ්‍යාපන අමාත්‍යාංශය සූදානම් වෙයි. මෙම ගුරු සභාව පිහිටුවීමට අදාළ යෝජනාව ලබන සතියේ කැබිනට් මණ්ඩලයට ඉදිරිපත් කිරීමට නියමිත බව එම අමාත්‍යාංශ ආරංචි මාර්ග කීවේය.
අධ්‍යාපන, පරිපාලන, විදුහල්පති, ගුරු අධ්‍යාපනඥ හා ගුරු යන සේවා හතරට ම අදාළ වැටුප් ගැටලු, සුදුසුකම් සම්බන්ධ තීරණ ඇතුළු බොහෝ කටයුතු සිදු කෙරෙන්නේ මෙම ගුරු සභාවෙනි. මෙම සේවා හතරට අයත් සියලු දෙනාට මෙම සභාවෙන් ලියාපදිංචි අංකයක් පිරි නමන අතර එම අංකය නොමැති ගුරුවරුන්ට ඉගැන්වීම් කටයුතු කළ නොහැකි ය. ගුරු විදුහල්පතිවරුන්ගේ වැටුප් විෂමතාවලට අදාළ නිර්දේශ ඇතුළත් සුබෝධිනී කමිටු තීරණ ක්‍රියාත්මක කිරීමේ වගකීම ද පැවරෙන්නේ මෙම සභාවට ය.
පෞද්ගලික උපකාරක පන්ති නියාමන කටයුතු ද මෙම සභාව මගින් ක්‍රියාත්මක කිරීමට නියමිතය. ඊට පෙර එම ගුරුවරුන් ලියාපදිංචි කෙරෙන බව ඉහත ආරංචි මාර්ග කීවේය.
