රෝගී තරුණියකට හදිකල පොලිස් සැරයන්ට පාඩමක්
රෝගී තත්ත්වයෙන් පෙලෙන තරුණියක් අපහරණය කළ පොලිස් සැරයන්වරයකු, ත්‍රී රෝද රථයක් සමඟ අත්අඩංගුවට ගෙන තිබෙනවා.
මෙලෙස අත්අඩංගුවට ගෙන ඇත්තේ ගල්කිරියාගම පොලීසියට අනුයුක්තව සේවය කළ 41 හැවිරිදි සැරයන් වරයෙක්.
මෙම සිද්ධියට මුහුණ පා ඇත්තේ ගල්කිරියාගම පදිංචි 27 හැවිරිදි තරුණියක් බවයි පොලිසිය පවසන්නේ.
එම තරුණිය අඹ ගෙඩි රැගෙන ඒම සඳහා අසල නිවසකට ගොස් තිබෙන බව පැවසෙනවා.
එම අවස්ථාවේදී දිය නෑමට යමින් සිටි මව විසින් දියණිය ත්‍රී රෝද රථයක නැගී ගමන් කරන අයුරු දැක තිබෙනවා.
ඒ සම්බන්ධයෙන් කළ සොයා බැලීමේදී මෙම සිද්ධිය අනාවරණය වී ඇති බවයි පොලිසිය පවසන්නේ.
මෙම සිදුවීම දැරියගේ මව විසින් පොලිසියට දන්වා තිබෙන අතර එහිදී සිදුවීම අනාවරණය වී තිබෙනවා.
උපුටාගැනීම: හිරු වෙබ්පිටුව
