ඇමති ලාල්කාන්ත සංවේදී වෙයි
ඇමති ලාල් කාන්ත ගැන තමයි මේ පුවත වාර්තා වෙන්නේ… පසුගිය දවසක ඔහු සිනමාපටයක් බලන්න ගිහිල්ලා තිබුණා… මේ සිදුවීම සිදුවෙලා තිබුණේ ඒ අවස්ථාවේදි කියලා තමයි ආරංචි වෙන්නේ….
මෙරට ඇතුළුව බොහෝ රටවල්වල රුසියානු සාහිත්‍යයට ඇත්තේ ඉතා ඉහළ පිළිගැනීමක්.
සෝවියට් රුසියාව පැවැති සමයේදී වඩාත් ප්‍රචලිත වූ රුසියානු සාහිත්‍යය රුසියානු විප්ලවයටද ඓතිහාසික තෝතැන්නක් බවට පත්වුණා.
ඒ රුසියානු විශිෂ්ට සාහිත්‍ය ග්‍රන්ථයක් වන දුයිෂෙන් හෙවත් ගුරු ගීතය ඇසුරින් නිපදවන ලද සිනමා පටයක මංගල දර්ශනය කොළඹදී පැවැත්වුණා.
ඒ අමාත්‍ය කේ.ඩී ලාල්කාන්ත ඇතුළු දේශපාලන නියෝජිතයින්ගේ ද සහභාගීත්වයෙන්.
මෙහිදී චිත්‍රපටය පිළිවඳව අදහස් දක්වමින් අමාත්‍ය ලාල්කාන්ත පැවසුවේ චිත්‍රපටය නරඹන අතරතුර තමන්ට ඇඬුණු බවයි.
ඒ තරමටම එම චිත්‍රපටයේ සංවේදී කොටස් ඇතුලත්ව තිබූ බවද අමාත්‍යවරයා සඳහන් කළා.
රුසියානු විප්ලවයේ මුල් භාගයේ සිදු වූ අධ්‍යාපනික විප්ලවය සම්බන්ධයෙන් රුසියානු ලේඛක චිංගීස් අයිත්මාතව් විසින් රචිත දුයිෂේන් නම් නවකතාව සිංහලට පරිවර්තනය කෙරුණේ ගුරු ගීතය නමින්.
එම කෘතිය ඇසුරෙන් මෙම සිනමා පටය නිර්මාණය කර තිබෙනවා.
ගුරුගීතය LET ME FLY සිනමා නිර්මාණය උපාලි ගම්ලත් මහතා විසින් අධ්‍යක්ෂණය කර ඇති අතර එය ආචාර්ය අරෝෂ ප්‍රනාන්දුගේ නිෂ්පාදනයක්.
එහි මංගල දර්ශනය 12 දින කොළඹදී පැවැත්වුණේ මැති ඇමතිවරුන් සහ කලාකරුවන් රැසකගේ සහභාගීත්වයෙන්.
උපුටාගැනීම: හිරු ගොසිප්
