මේ වේගෙන් ගියොත් සිංගප්පූරුව අල්ලන්න තව අවුරුදු 65ක් වත් යනවා
අද සිංගප්පූරුව තියෙන ආර්ථිකයට පැමිණෙන්න නම් මේ වේගයෙන් ගියොත් තව අවුරුදු 65ක් වත් යන බව පත් කළ මන්ත්‍රී නාමල් රාජපක්ෂ මහතා:-(පො.පෙ) පාර්ලිමේන්තුවේදී පැවසීය.
මේ තියන ප්‍රතිපත්ති මාලාව ඇතුලේ පැහැදිලිවම අපට දැනෙන්නේ ආනයනය මත රාජ්‍ය ආදායම උත්පාදනය කරන ක්‍රමවේදයක් ආණ්ඩුව අනුගමනය කරන බවයි.පහුගිය ආණ්ඩුවේ ගත් ණය, අයි.එම්.එෆ් එකඟතා ආදී කතා ගැන ඔබලා කතා කරනවා.ආණ්ඩුවක් වුණාම මේ ඔක්කොටම මූණ දෙන්න ඕන. ඉතිහාසයේ දේවල් නිවැරදි කරගන්නත් එක්ක තමයි ඔබලාට බලය දෙන්නේ.
අද සිංගප්පූරුව තියෙන ආර්ථිකයට පැමිණෙන්න නම් මේ වේගයෙන් ගියොත් තව අවුරුදු 65ක් වත් යනවා.ඒ සඳහා ආණ්ඩුව රැඩිකල් තීරණ ගන්න ඕන.හිටපු ජනාධිපතිවරුන්ගේ වියදම් කප්පාදුවෙන් කීයක් ඉතුරු වුණාද?ජනතාව බලාපොරොත්තු වන පරිවර්තනයට යන්න නම් අයි.එම්.එෆ් තීරණ ඇතුලේ පවා රැඩිකල් තීන්දු ගන්න වෙනවා යනුවෙන්ද නාමල් රාජපක්ෂ මහතා කීය.
(අංජුල මහික වීරරත්න සහ සුජිත් හේවාජුලිගේ)
ලංකාදීප
