බසයේ හදුනාගත් තරුණයා ගුරුතුමීට යෝගට් පානයක් දී කල හපන්කම
මාතලේ සිට මහනුවර පැමිණි ගුරුවරියකට හදිසියේ දැන හැදිනගත් යුවළක් විසින් දෙනු ලැබූ යෝගට් පානයක් ඇය පානය කිරීම නිසා සිහිමුර්ජාවී ඇති අතර රුපියල් ලක්‍ෂ අටක් පමණ වටිනා ඇගේ රන් ආභරණ සියල්ලම රැගෙන එම යුවළ පලාගොස් තිබෙනවා.
මෙම සිද්ධියට මුහුණපෑ ගුරුවරිය මහනුවර පොලිසියට කර තිබූ පැමිණිල්ල අනුව ත්‍රිකුණාමලේ සිටින ඇගේ පුතාගේ සුවදුක් බලා ඇය බස්රියෙන් එද්දී හදිසියේම දැන හැදිනගත් පුද්ගලයකු සමග කතාබහ කරමින් දැඩි හිතවත්කමක් ගොඩනගාගෙන ඇත.
ගුරුවරියට වඩා වයසින් අඩු එම පුද්ගලයා ගුරුවරියට මව මෙන් ගරුසරුව කතාබහ කර ඇති අතර වැඩි හිතවත්කමක් දෙදෙනා අතරේ තිබූ නිසා මෙම පුද්ගලයා ඔහුගේ මව වශයෙන් හඳුන්වාගත් කාන්තාවක සමග දුරකථනයෙන් කතාබහ කිරීමට ද ගුරුවරියට අවස්ථාව ලබාදී තිබේ.
මේ අනුව හදිසියේම හඳුනාගත් මෙම ආගන්තුක පුද්ගලයාට මෙම ගුරුවරිය මාතලේ රත්තොට පිහිටි ඇගේ නිවසට පැමිණීමට ඇරයුම් කර තිබේ.
මෙම ගුරුවරිය දැකබලා ගැනීමට වැඩි කැමැත්තක් දැක්වූ සැකකරුගේ මව යැයි හඳුන්වාගත් කාන්තාව ගුරුවරියට නුවරට පැමිණෙන ලෙස ඇරයුම් කර ඇති අතර කතාබහ කළ පරිදි පසුදා මෙම ගුරුවරිය මහනුවර පැමිණ තිබෙනවා.
එහිදී ආගන්තුක යුවළ එහි පැමිණ ආගිය තොරතුරු කතාබස් කර ඇයට යෝගට් පානයක් ලබාදී ඇති අතර එහිදී ඇය සිහිමුර්ජාවී තිබේ.
මෙම සිද්ධියෙන් පසු තමා කුරුණෑගල මල්ලවපිටියේ නිවසක සිටි බව කියන ගුරුවරිය එම නිවසේ ජනේලයෙන් පැන මෙසේ පොලිසියට පැමිණි බවද හෙළිකර ඇත.
හිරුගොසිප්
